Хаврын тэргүүн сарын шинийн 16-ны билэгт сайн өдөр тус сумын ИТХ, ЗДТГ, Сүсэгтний холбоо хамтран Майдар эргэж сүсэгтэн олон даган баяслаа. Энэхүү шашны зан үйл нь сүүлийн 10 гаруй жил тасралтгүй явагдаж байгаа бөгөөд нутаг орон байгалийн гамшгаас хол байж, ард иргэд нь эв эетэй, зуурдын өвчин зовлонгүй эрүүл энх амьдрахыг билэгдэн буян заяагаа даатган хийдэг зан үйл юм.
Майдар эргэх шашин урлагын цэнгүүнд сум орон нутгийн иргэдээс гадна Улаанбаатар хотод ажилаж амьдарч буй нутгийн уугуул иргэд, зэргэлдээ Малчин, Зүүнговь сумын сүсэгтэн олон олноороо хүрэлцэн ирж оролцсон сайхан арга хэмжээ боллоо.