Сумын ИТХ-аас "Иргэдээ сонсъё" аяны хүрээнд бүх багийн иргэд баялаг бүтээгчдийг оролцуулсан гар урлал, цагаан идээний үзэсгэлэн худалдааг зохион байгуулав. Үзэсгэлэн худалдаанд 40 гаруй нэр төрлийн бүтээгдэхүүнээр 70 гаруй үйлдвэрлэл эрхлэгч оролцож 5 сая гаруй төгрөгийн борлуулалт хийгдсэн байна. Энэ үеэр тэргүүний үйлдвэрлэгч, баялаг бүтээгчдийг цагаан идээний төрлөөр 4, хүнсний ногооны төрөлд 1, оёдлын төрөлд 1, сур суран эдлэлээр 1, арьсан бүтээгдэхүүний төрөлд 1 иргэнийг тус тус шалгаруулж өргөмжлөл, мөнгөн шагналаар шагнав. Энэхүү шагналыг Хайрхан багийн малчин Ц.Түмэн-өлзий ивээн тэтгэж оролцлоо.