Хяргас сумын ИТХ, ЗДТГ-аас сар шинийн босгон дээр ахмад настангууд болон Улс, аймаг, сумын аварга малчид, нохой жилд ажил үйлсээрээ манлайлж оны аварга тэргүүнээр шалгарсан иргэд, аж ахуйн нэгж байгууллагуудыг хүлээн авч хүндэтгэлийн зоог барьж, гарын бэлэг, дурсгалын цом, өргөмжлөл гардуулав. Энэхүү арга хэмжээний үеэр цагаан идээний үзэсгэлэн худалдаа явагдаж, сар шинийн баярт зориулсан хүчит 32 бөхийн барилдаан болж сумын заан М.Баян-очир түрүүлж, сумын начин Б.Батсүх үзүүрлэж, аймгийн начин Т.Төгсбаяр, Т.Галбадрах нар шөвгөрөв.
Ахмадуудын хүндэтгэлийн үйл ажиллагааг Аймгийн аварга малчин Ц.Отгон, бөхийн барилдааныг Бугат багийн иргэн сумын аварга малчин Б.Батбаяр нар тус тус ивээн тэтгэж явууллаа.
