Аймаг, нийслэл, сум, дүүргийн иргэдийн Төлөөлөгчдийн Хурлын Төлөөлөгчдийг сонгох 2024 оны ээлжит сонгуулийн үр дүнд бий болсон Увс аймгийн Хяргас сумын иргэдийн Төлөөлөгчдийн хурал өнөөдөр буюу 2024 оны 11 дүгээр сарын 04-ний өдөр Анхдугаар хуралдаанаа хийж сумын ЗДТГ-ын Хуралдааны танхимд 100 хувийн ирцтэй хуралдлаа.

Монгол улсын Засаг захиргаа, нутаг дэвсгэрийн нэгж, түүний удирдлагын тухай хуульд заасны дагуу сонгогдсон төлөөлөгчдөөс насаар хамгийн ахмад болох Дэлгэр багаас сонгогдсон төлөөлөгч Ж.Ганбаатар удирдан явуулав.

Хуралдааны эхэнд сумын сонгуулийн хорооны дарга О.Цэнд-Аюуш ээлжит сонгуулийн дүн, сонгогдсон Төлөөлөгчдийн бүрэн эрхийг хүлээн зөвшөөрүүлэх тухай илтгэлийг танилцуулав.

Анхдугаар хуралдаанаар:

Сумын иргэдийн Төлөөлөгчдийн Хурлын сонгуулийн дүнгийн талаарх мэдээлэл болон Төлөөлөгчийн бүрэн эрхийг хүлээн зөвшөөрөх тухай

Сумын иргэдийн Төлөөлөгчдийн Хурлын хуралдааны байнгын дэгийг батлах тухай

Сумын иргэдийн Төлөөлөгчдийн Хурлын даргыг сонгох тухай

Сумын иргэдийн Төлөөлөгчдийн Хурлын Зөвлөл байгуулах, Зөвлөлийн гишүүнийг сонгох тухай

Сумын иргэдийн Төлөөлөгчдийн Хурлын хороо байгуулж, бүрэлдэхүүн, даргыг сонгох тухай

Сумын Засаг даргад нэр дэвшүүлэх асуудлуудыг хэлэлцэн шийдвэрлэлээ.

Өвөлжилтийн бэлэн байдлыг хангах ажлын хүрээнд Зөвлөлийн гишүүдэд чиглэл өгөх тухай асуудлуудыг тус тус хэлэлцэн шийдвэрлэлээ.

Сумын иргэдийн Төлөөлөгчдийн Хурлын даргаар төлөөлөгчдийн олонхын санал авсан С.Булганхүү сонгогдож ИТХ-ын тамгыг хүлээн авлаа.

Сумын Засаг даргаар Төлөөгчдийн олонхын санал авсан В.Сайнбилэгийг аймгийн Засаг даргад уламжлахаар шийдвэрлэлээ.