Сумын Иргэдийн Төлөөлөгчдийн Хурлын Зөвлөлийн хуралдаан 2024 оны 11 дүгээр сарын 11-нд хуралдав. Хуралд Сумын Засаг даргын үүргийг түр орлон гүйцэтгэгч О.Ганбат, төсвийн 4 байгууллагуудын дарга, менежерүүд, 4 багийн засаг дарга нар болон ББЭХС ТӨХК-ий Хяргас 35/10кВт дэд станц хариуцсан ажилтан нарыг оролцуулж сум орон нутгийн цаг үеийн асуудал, ОНХС-ийн хөрөнгөөр хийгдсэн ажлын үр дүн, хөдөөгийн багуудын отор нүүдэл, байгууллагуудын үйл ажиллагаа, өвөлжилтийн бэлтгэл ажил хэрхэн хангагдаж байгаа талаар мэдээлэл сонсов.

Холбогдох мэдээллийг үндэслэн ИТХ-ын Зөвлөлийн гишүүд тулгамдаж байгаа болон нэн түрүүнд хийж хэрэгжүүлэх шаардлагатай асуудлуудыг тодорхойлон, улсын төсвийн хөрөнгө оруулалтаар хийж буй зарим ажил, сумын худаг уст цэг, дулааны үйл ажиллагаатай газар дээр нь очиж үзэж танилцаад, цаашид авах арга хэмжээний талаар шийдвэр гаргаж ажиллахаар болов.