VII жарны “Элдэв Эрдэнэт” хэмээх Модон Могой жилийн босгон дээр Увс аймгаас 10 улсын аварга малчин тодорсны нэг нь Хяргас сумын Хайрхан багийн малчин Д.Баярсайханы өрх гэр бүл юм. Улсын аварга малчны шагнал, өргөө цагаан гэрийг УИХ-ын гишүүн Б.Заяабал, Увс аймгийн ИТХ-ын дарга П Баттулга болон албаны хүмүүс малчны хотонд нь очин хүндэтгэлтэйгээр гардуулан өглөө. Мал аж ахуйн салбарт олон жил хөдөлмөр бүтээлээ зориулж эрдэнэт сүргийнхээ үүлдэр, угсаа тоо толгойг нэмэгдүүлсэн амжилтаараа ийнхүү эрхэм хүндтэй шагналыг хүртсэн удам дамжсан малчин гэр бүлд баяр хүргэе. Малчин таны ариун цагаан хөдөлмөр нь амжилт бүтээлээр дүүрэн байж Эрдэнэт малын буян хишиг тань арвижин дэлгэрч байх болтугай.